Znatiželjna koala ušunjala se u kuću jedne Australijanke i udobno smjestila na jelku iznenadivši ženu kada je po povratku s posla ugledala neplanirani ukras.
Amanda MekKormik iz doline Koromandel na jugu Australije pozvala je udruženje za spašavanje koala jer simpatična životinja u stvarnosti ima duge nokte i oštre zube.
“Večeras smo primili poziv. Naša službenica u početku je mislila da se radi o šali. Ali, koala željna božićnog raspoloženja ušunjala se u kuću i odlučila je da bude ukrasom na jelki”, napisalo je udruženje na Fejsbuku. Di Hern-Elon iz udruženja “1300 koala” kazala je da nije rijetkost da koale uđu u domove, ali se to ne događa svaki dan.
This koala has single handedly saved 2020. Full story up soon on @GuardianAus pic.twitter.com/NGvURdOTuJ
— Matilda Boseley (@MatildaBoseley) December 3, 2020
“Ova koala je zdrava mlada ženka i puštena je na slobodu u blizini kuće na području koje predstavlja odlično stanište za tu životinju”, dodala je.
Koale su najpopularnije australijske životinje ali njihova populacija ugrožena je uticajem ljudi – požarima, fragmentiranjem staništa, napadima pasa i stradanjem pod točkovima automobila.
Autor: Hina
